ជំងឺអ្វីទៀតហើយ! ខណៈកណ្តុររាប់បានប្រមាណ ៥០០ ក្បាល បែរជានាំគ្នាលោតធ្វើ «អត្តឃាត» បន្តកន្ទុយគ្នាបែបនេះ!?
June 28, 2019 admin 0 Comments
អ្នកជំនាញការហូឡង់ ពិតជានៅពុំទាន់យល់ពីមូលហេតុនៃការងាប់របស់កណ្តុរស្រែ ដែលពួកវានាំគ្នាលោតចុះប្រឡាយបង្ហូរទឹកធ្វើ «អត្តឃាត» ជាបន្តបន្ទាប់ប៉ុន្មានថ្ងៃជាប់ៗគ្នា នៅអំឡុងសប្តាហ៍មុន នៅទីក្រុង Honimerts ។
តាមកាសែត Sneeker Niewwsblad កណ្តុរ ៣៥១ ក្បាល បានដេកងាប់រដូករណែលនៅប្រឡាយបង្ហូរទឹកមួយ កាលពីថ្ងៃទី២១ មិថុនា កន្លងមក ។ មុននោះមួយថ្ងៃ គេបានឃើញមានខ្មោចកណ្តុរ ១៤១ ក្បាល ហើយ ។
Anton Kappers អ្នកផ្តិតយករូបភាព ហើយតាមដានរឿងនេះឲ្យដឹងថាៈ «ព្រឹកណាក៏មានកណ្តុររាប់រយងាប់ នៅប្រឡាយបង្ហូរទឹក រីឯមូលហេតុដែលវានាំគ្នាលោតសម្លាប់ខ្លួនបែបនេះ នៅពុំទាន់ដឹង ។ កណ្តុរភាគច្រើនបានងាប់ ក្រោយការលោតចុះ តែក៏មានមួយចំនួនរងរបួស ហើយវាប្រឹងលូនចេញទៅ» ។
មកទល់ពេលនេះ នៅពុំទាន់រកឃើញមូលហេតុនៃអត្តឃាតជាសមូហភាពរបស់ហ្វូងកណ្តុរទេ គេបារម្ភថា ប្រសិនវាមានជំងឺអ្វី (ឆ្កួត) នោះពិតជានាំមកនូវមហន្តរាយពុំធម្មតាទេ ៕ ចន្ទ្រា
No comments:
Post a Comment